الغفوة ..

بقلم :صفاء فوزي  كاتب و محاضر في مجال التنمية و التطوير

أوقات كتير مش بنحتاج نغيّر حياتنا…

إحنا بس بنحتاج غفوة.

لحظة نقابل فيها حد يفهمنا، يسمعنا، نضحك معاه، نحكيله عن اللي تعبنا، ونحس كام لحظة إن الحياة ماشية زي ما إحنا نفسنا.

زي واحد راكب قطر، لقى الكرسي اللي جنبه فاضي، قعد فيه، وفجأة لقى غريب جنبه بقى في كام دقيقة أقرب حد ليه.

اتكلموا، ضحكوا، حكوا لبعض حكاياتهم، وحاولوا يلاقوا للحياة حلول.

لحد ما القطر وصل المحطة…

كل واحد نزل وكمل طريقه.

يمكن بعض الناس مش بييجوا علشان يفضلوا…

يمكن بييجوا بس علشان يدّونا غفوة من الراحة، تكفينا علشان نكمّل الرحلة.