بين الشجر و السحابة … بقلم / شيماء علي

كتبت: شيماء علي
سر الطبيعة
إزاي مليها
بمعنى…
أصدق من البشر؟
ذي القمر…
قاللي ياما في طلّته
إن الوحيد
في براحه حر،
وإن البعيد
حُسنه يزيد…
يغيب ويِبهر
لو حضر!
ذي الشجر…
ثابت
وطاير غصنه
على مدّ السفر…
ضلّل وبيِحاوِط
حبايبه
كل ما يطوله المطر…
جمّع حروف العاشقين
حفَرْها
على جزع الحنين،
متخضَّرة
في روحه الحياة…
ويسيب في أنفاسنا
الأثر.
ذي السحابة البيضا…
ما تبطلش مرّ.
الشكل غاية
في السكون،
لما تصفَالها السما
تشوفها أوضح
ما يكون…
من غير وصول
ومكمّلة.
لو غيّمت
يحكي المطر
قد إيه… متحمّلة!
بعيدة
ما تطولهاش ظنون،
يكفيها دايمًا
تترفع
ليها العيون.
شجر… سحاب…
مطرة وقمر.
سر الطبيعة
إزاي مليها
بمعنى…
أصدق من البشر؟