حِبوا الحياة ومتخافوش بقلم أحلام عميرة
………………
بقلم : ا/ أحلام عميرة
إياك تفكر إن عمرك إنتهي
حاجات كتير ماتقولش مش وقتها
مين اللي قال إن الكبار مابيضعفوش .. مابيحتاجوش
مين اللي قال : إن المشاعر عندهم حبة رتوش
مين اللي قال : إن القلوب بالوقت بتتحول صخور… بالعكس دي بتصبح أرق
معتقه زي العطور وقادره تطرح بالامل
وتطير لفوق زي الطيور
جواها حب ونور وخير بيكبروا مابيصغروش
أنا قادره أبان جامده لكن جوايا حنين
وحاجات كتير مع السنين مابيموتوش
جوايا حبة حاجات بسيطه بتفرح
جوايا حب.. يملأ الدنيا وبيطرح
جوايا طفله حضن أمها بيوحشها
ورنة صوت أبوها وحنيته بتندهها
فيه حد فينا الحنان مابيوحشوش؟
طول ماجوانا قلب حي
والنبض في عروقنا رايح وجاي
حِبوا الحياة ومتخافوش بقلم أحلام عميرة
عيشوا .. اخرجوا
اضحكوا لبكره اللي جاي
متخافوش ، حبوا الحياة ؛
ده الموت بايد ربنا الحي
قادر ينور حياتنا بالضي .
