سيمفونية حبى ليك/بقلم: الشاعرة أحلام عميرة
بقلم: الشاعرة أحلام عميرة
سيمفونية حبى ليك
ألف ميت مليون حكاية
جوه قلبى بتناديك….
ولسه قلبى شوقه أكتر
. .حبه أكبر م الحقيقة ،
عمرى كله بين ايديك ..
كل نبضة فى دق قلبى
بتحن ليك
-..دوبت فيك
فى حضن قلبك ،
فى ابتسامتك توهت فيك
كل نظرة ف نن عينى
تخاف عليك ،
وتداريك عن عيون الكون ده كله
ده أنا روحي فيك ..
– مش كفاية .. مش كفاية
تعيش فى الأحلام معايا
أوتنام فى نن عينى
او أشوفك بين سطورى
عايزة أشوف النبض جاى
عايزة أحس الشوق ده ضى
عايزة أحس بكل حاجة
مستحيل نحلم وبس
دى الحياة لحظة نعيشها
كلمة نقولها وتبقى لسه
ما انتهتش.
……………..
أحلام عميرة
سيمفونية حبى ليك/بقلم: الشاعرة أحلام عميرة
