طاقة أمل
بقلم : د. أسما الصيفي.
اوقات اما بتزعل من حد بتحبه وبيكون الانسان دا ليه
مكانه كبيرة في قلبك ، لأن الزعل وقتها مبيكونش مجرد زعل .. دا بيبقي جرح ، ووجع مبتقدرش توصفه وقتها بيكون قلبك واخد علي خاطره ، وقلبك بيبقى موجوع اووي وبتحس انه بيئن .. وقتها بتبقي عايز تقول للشخص دا .. لو تعرف القلب اللي إتوجع بسببك دا شايفك ازاي و قتها لسانك بيتلجم .. حتي العتاب واللوم مبقاش بيفيد ..
وبتكتفي بالصمت وانت موجوع .. لان كلامك وقتها مش هيخفف جرحك ولا هيعوضك عن وجع قلبك .
بس لو قلبك بيتكلم كان هو اللي اشتكي لان هو اكتر حد اتاذي من دا . فبلاش تقسوا علي اللي بتحبوهم لمجرد انكم متأكدين من حبهم وواثقين انهم هيتحملوا الجمل مهما اتحمل مشقة السفر هيجي عليه وقت وهيتعب ومش هيقدر .
كل جمل وليه طاقة وكل قلب وليه قدرة تحمل ..الزعل بيوجع علي قدر الحب اللي شايله جواه.. بس الزعل مش بس بيوجع القلب دا بيعوره … تخيل انت بقي مجرد تعويره في ايدك مش بتتحملها ما بالك بقي لو التعويره دي كانت في قلبك …ياريت تحافظوا علي الناس اللي بتحبوهم … دمتم بخير ودامت سعادتكم لاتنتهي…
