ثقافة وفن

موديل جنى ” مهما كانت البداية بسيطة أو الطريق طويل امسك فى حلمك

البداية البسيطة

صحفى / أحمد مقلد
موديل جنى ” مهما كانت البداية بسيطة أو الطريق طويل امسك فى حلمك “
باتت كل الأمور بحياتنا تستخدم الموديل للترويج كلها لم يقتصر الأمر فقط على الفاشون فقط , وتعددت الوجوه الشابة يمتلك بعضها الكاريزما والحضور لترك بصمة خاصة على منصات العرض. نلتقي اليوم بوجهٍ جديد مفعم بالحيوية ، عارضة أزياء مبتدئة تخطو أولى خطواتها منذ فترة بثقة وثبات في عالم الجمال. يسعدنا أن نرحب بالـمـوديل [جنى] في حوار مميز نكشف فيه أسرار إطلالتهافى عالم الموديل .
· جنى عرفينا عرفينا بنفسك ؟

أنا جنى وبقدم محتوى على السوشيال ميديا باسم حلويات وعندي حوالي 20 ألف متابع على تيك توك وبسعى إني أبني اسم مميز ليا في عالم الفن وصناعة المحتوى وأحقق حلمي في إني أوصل لجمهور أكبر وأثبت نفسي بموهبتي واجتهادي.
· عملك كموديل كان حلم طفولتك ؟

من وأنا صغيرة عندي شغف بالفن والظهور قدام الجمهور والتعبير عن الشخصيات والمشاعر وأهتميت بمجال التمثيل والمسرح وشاركت في أكتر من عمل مسرحي, وبجانب التمثيل عندي شغف كبير بصناعة المحتوى وبدأت أقدم فيديوهات على تيك توك بأسلوبي الخاص , ومن خلالها بدأت العمل كموديل فى مجال الإعلانات والتعاون مع البراندات والمشروعات المختلفة وبقدم محتوى دعائي للمنتجات .
· مين الداعم ليكى فى بداية مشوارك ؟

واكثر ناس وقفت جنبي وشجعتني كان بابا وماما وماما بالاخص جدا ببقى فخوره وهي قاعده بتتفرج عليا وعلى شغلي وعلى نجاحي في جامعتي وفي المسرح في التيك توك وانا بستنى اشوف نظره الفرحة بعينيها في كل حاجه بعملها.

· كانت امتة أول جلسة تصوير ليكى وكانت عبارة عن اى ؟
بدايتي كانت سنة 2022 لما بدأت أعمل محتوى على تيك توك وفي نفس السنة كانت أول تجربة ليا في المسرح ومن وقتها حبيت المجال أكتر وقررت إني أطور من نفسي وكملت عملى المسرحى المتنوع والمتعدد وكملت في طريقى بعدها بدأت عملى كموديل 2024 .
· أيهما تفضلين عروض الأزياء أم المكياج أم تفضلين التنوع , واى اللى ممكن تنصحى بإستخدامه الفترة الثادمة ؟

أنا متخصصه في موديل الميك أب فقط وده من خلال التعاون مع ميك أب أرتيست بيختاروا وشي علشان يطبقوا عليه شغلهم الفني ويظهروا تفاصيل المكياج ونتيجته في الصور والفيديوهات , ومش بشتغل موديل فاشون أو عروض أزياء , وأنصح بكيكو و ديور و ساندرا و ماك تحفه؟
· أهم الصعوبات الى واجهتك فى البدايات ؟

مافيش حاجة محددة حتى الان ولكن رحلتي لحد دلوقتي علمتني إن النجاح محتاج سعي وصبر واستمرار وإن الإنسان لازم يفضل يطور من نفسه ويستغل كل فرصة يتعلم منها حاجة جديدة وأنا مؤمنة إن الموهبة لوحدها مش كفاية وإن الاجتهاد والتجربة والتعلم المستمر من أهم الحاجات اللي بتساعد أي شخص إنه يتقدم ويقرب من حلمه.

· ياترى طموحك هيقتصر على الموديل فقط ولا ممكن تفكرى فى دخول عالم الفن والتمثيل ؟

بالنسبة للفن انا زى ما قولت سابقا إنى اشتغلت مسرح ولكن طموحى الحالى إني أقدر أوفق بين دراستي وشغفي , وبالتناغم مع دراستى أكمل شغلى كموديل وأكيد يسعدنى إنى أدخل عالم الفن هو كان بدايتى على نافذة العمل كموديل

· فى نهاية حوارنا حابة توجه رسالة معية ؟
حابة أوجه رسالة لكل شخص عنده حلم ونفسه يحققه إنه ميتخلاش عنه مهما كانت البداية بسيطة أو الطريق طويل لأن كل خطوة بنخطوها بتعلمنا وبتقربنا من اللي نفسنا فيه.

شكرا جنى على صراحتك وعفويتك فى حوارنا , ونتمنى لك أن يتردد إسما كثير فى كبرى محافل الموضة قريباً. نتمنى لها لك التوفيق في خطواتك القادمة.”

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى